Ինչու՞ արժե այցելել Հայաստան, միառժամ վերականգնել առողջությունը

Հայաստանի պատմությունը սկսվում է անհիշելի ժամանակներից ՝ քաղաքակրթության ձևավորումից։ Հայաստան ժամանած զբոսաշրջիկները հնարավորություն կունենան  փոքր տարածքի վրա առնչվել և՛ անցյալ հազարամյակների, և՛ արդիականության հետ։

Քրիստոնեական յուրատեսակ ճարտարապետական հուշարձաններ կարելի է հանդիպել ամենուր։ Հայկական վանքերն ու մենաստանները շքեղ տեսք չունեն, ինպես կաթոլիկ եկեղեցիները, փոխարենն այնքան վսեմ են, որ ցանկացած այցելու զգում է անկրկնելի զգացողություն, ինչպես օրինակ, Սուրբ Էջմիածնի Մայր Տաճարը, Տաթևի վանքը, Կարմրավանքը, քրիստոնեության վաղ շրջանի բազիլիկ և գմբեթավոր այլ եկեղեցիներ: Պահպանվել են բազմաթիվ կամուրջների ավերակներ, որոնցով վաճառականները անցնում էին հայտնի Մետաքսի ճանապարհով։ Արժե այցելել Արենի գյուղի քարանձավը, որտեղ հայտնաբերվել է գինու պատրաստման հնագույն վայրը՝ թվագրվող մ․թ․ա․ 4-րդ հազարամյակին, տեսնել 5.500 տարեկան կաշվե կոշիկը, աշխարհի հնագույն աստղադիտարաններից 7500 տարվա պատմություն ունեցող Քարահունջը և այլն: Այս երկիրն առաջինն էր, որն ընդունել է քրիստոնեությունը պետական մակարդակով՝ 301 թվականին։

Արժե գեթ մեկ անգամ լինել Հայաստանում և ...  Շարունակությունը կարդալ` սեղմելով հղումը...

Հիմնվելով մեր այցելուների և պացիետների կարծիքների վրա՝ մենք առանձնացրել ենք այն պատճառները, թե ինչու ենք մտածում, որ Հայաստանը բժշկական զբոսաշրջության երկիր է:

1. Հատուկ պատվաստումներ:  Հայաստան այցելելու համար որևէ հատուկ պատվաստման անհրաժեշտություն չկա:
    
2. Գաղտնիություն: Պլաստիկ վիրաբուժությունը կարող է Հայաստանը գայթակղիչ դարձնել բժշկական զբոսաշրջության ոլորտում:
    
3. Օպերատիվություն:  Հայրենիքում հնարավորություն չունենալով ժամանակին որակավորված բուժում ստանալու՝ բժշկական օգնություն փնտրելու և հերթերում սպասելու կարիք չկա:
    
4. Մրցունակ գնային կատեգորիաներ:  Բուժման նորագույն եղանակների կիրառում մատչելի գնով՝ համեմատած Արևմտյան Եվրոպայի, Միացյալ Նահանգների և Ռուսաստանի հետ: Այդ պատճառով արժե տուն մեկնելուց առաջ լիարժեքորեն ստուգել սեփական օրգանիզմը: Ցածր հարկերը ՝ վիրահատության խելամիտ գների հետ միասին, Հայաստանը դարձնում են մրցունակ շուկա բժշկական զբոսաշրջության ոլորտում՝ պահպանելով որակի բարձր ստանդարտները:
    
5. Շփվելու հնարավորությունը:  Մեր աշխարհագրական դիրքը հնարավորություն է տալիս շփվել տարբեր քաղաքակրթությունների հետ: Ռուսերեն և անգլերեն լեզուներին տիրապետելը հարթակ է ստեղծում բժշկաառողջարանային զբոսաշրջության զարգացման համար: Նույնիսկ եթե Ձեզ այլ լեզուներ են հետաքրքրում, մենք կարող ենք Ձեզ պրոֆեսիոնալ թարգմանիչներ տրամադրել:
    
6. «Գեղեցկության կլինիկաների» հանրահայտությունը: Հայաստանում բավականին հայտնի են  «գեղեցկության կլինիկաները», որտեղ ցանկացած ցանկացող կարող է վիրաբուժության միջոցով մի փոքր ուղղել սեփական թերությունները և դառնալ ավելի գեղեցիկ:  
    
7. Բժշկական և տրանսպորտային ինֆրակառուցվածքների առկայությունը:  Բժշկական և տրանսպորտային ինֆրակառուցվածքների առկայությունը հրաշալի հարթակ է հանդիսանում բժշկաառողջարանային տուրիզմի զարգացման համար:
    
8. «Մեկ օրվա վիրահատություններ»: Մեծ  համբավ են վայելում  «մեկ օրվա վիրահատությունները» (քթի պլաստիկան, ներարկումային պրոցեդուրաները, լիպոսակցիան, պիգմենտային բծերի և խալերի հեռացումը), երբ ողջ գործողությունը մի քանի ժամ էլ  չի տևում՝ որակի երաշխիքով:
    
9. Հարմարավետություն: Հայաստան բուժման նպատակով այցելող հիվանդները բժշկական և առողջարանային պրոցեդուրաների ընթացքում մշտապես գտնվում են ուշադրության, խնամքի և հյուրընկալության մթնոլորտում:
    
10. Արևելյան ավանդական բժշկություն
     
11. Պրոֆեսիոնալ բժիշկներ: Հայաստանին արդեն հաջողվել է առանձնանալ այս կատեգորիայում: Ոչ մեծ կովկասյան ժողովուրդը բժշկության ոլորտում երկար պատմություն ունի, որը հպարտանալու տեղիք է տալիս: Մեր մասնագետները հաջողությունների են հասել պլաստիկ վիրաբուժության, ստոմատոլոգիայի, նյարդավիրաբուժության և սրտային վիրաբուժության բնագավառներում:
     
12. Բարձրակարգ բժշկական սարքավորումներ: Չնայած իր ոչ մեծ տարածքին՝ Հայաստանը հիմնականում կապիտալ է ներդրել ինչպես նոր սերնդի բժշկական տեխնիկայի ձեռք բերման, այնպես էլ  բոլոր տեսակի ուսուցողական կուրսերի մեջ: Տվյալ բնագավառի հիմնական նորարարությունները հիվանդներին հնարավորություն են տալիս զգալիորեն կրճատել սեփական ծախսերը, ինչպես նաև կրճատել բուժման ժամանակը:
     
13. Հասանելի է երկրագնդի ցանկացած կետից: Հայաստանը, տեղակայվելով Եվրոպայի և Ասիայի խաչմերուկում, հիանալի տեղ է հանդիսանում բժշկական զբոսաշրջության համար:  Երևանը հանդիսանում է ամենահասանելի քաղաքներից մեկը տարածաշրջանի այլ խոշոր քաղաքների ճանապարհորդների համար, ինչպիսիք են Դուբայը, Փարիզը, Վիեննան, Մոսկվան, Դոխան, ընդ որում բոլորն ունեն հասանելի ուղիղ չվերթներ:
     
14. Բժշկական ապահովագրություն:  Հայաստանում  գործում են տեղական և միջազգային ապահովագրական ընկերություններ, որոնք առաջարկում են մատչելի բժշկական ապահովագրություն բժշկական զբոսաշրջության նպատակով այլ երկրներից այցելած հիվանդների համար:
     
15. Մի քանի բժշկական պրոցեդուրաներ կարելի է միավորել: Քանի որ Դուք արդեն քաղաքում եք գտնվում Ձեր կողմից նախօրոք ընտրված պրոցեդուրայի համար, ինչու Ձեր այցին ևս մեկ օգուտ ավելացնելու հնարավորությունը չօգտագործել , և բավարարել Ձեր մյուս բժշկական պահանջները, որոնք Դուք վաղուց հետաձգում էիք:
     
16. Հայաստանը որպես անձեռնմխելի վայր:  Եթե հայ բժիշկների պրոֆեսիոնալիզմը, վիրահատության ցածր գները և տեխնոլոգիական առաջադեմ սարքավորումները Ձեզ համար բավարար չեն այս երկիրն այցելելու համար, ապա Հայաստանի բնական գեղեցկությունը, հարուստ պատմությունը և հյուրընկալ տեղական մշակույթը պետք է այնուամենայնիվ ազդեն Ձեր որոշման վրա . գեղեցիկ բնությունը կօգնի վիրահատությունից հետո ուշքի գալ, բացահայտել հին երկրի և ժողովրդի հարստությունը, նոր ընկերներ ձեռք բերել:

Հիմնվելով մեր այցելուների և պացիետների կարծիքների վրա՝ մենք առանձնացրել ենք նաև բժշկական զբոսաշրջության շրջանակում ծառայությունների ամենատարածված ուղղությունները Հայաստանում

Սպա կուրորտներ: Հայաստանը բնական հանքանյութերի աղբյուրներով հարուստ կուրորտային քաղաքների տարբեր առողջարաններում առաջարկում է հատուկ կանխարգելիչ բուժում: Ջերմուկում, Արզնիում, Դիլիջանում և այլ վայրերում կարելի է ստանալ որոշ հիվանդությունների ընդհանուր առողջարանային կամ ՍՊԱ միջոցառումներ՝ թեմատիկ բուժմամբ:

Սրտաբանություն: Հայաստանի սրտային վիրաբույժներն առաջարկում են համաշխարհային մակարդակի ծառայություններ՝ բավականին մատչելի գներով: Հայաստանում սրտի վիրահատություն իրականացնել ցանկացող օտարերկրացիների քանակը տարեցտարի աճում է: Մարդկանց գրավում է սպասարկման բարձր մակարդակը, հետվիրահատական բարդությունների ցածր տոկոսը և մատչելի գները: Կլինիկաները հագեցած են նորագույն սարքերով, որտեղ աշխատում են լավագույն սրտաբանները, ընդ որում, ո՛չ միայն  մեր երկրի: 

Աղի քարանձավ:  Անձավաբուժության էությունը նրանում է, որ մարդը երկրից 235 մետր խորության տակ շնչում է աղի քարանձավի բուժական օդը: Այստեղ բուժվում են շնչական ուղիների և թոքերի ամենատարբեր հիվանդությունների ժամանակ, ինչպիսիք են` ասթման, բրոնխիտները, հաճախ կրկնվող շնչական վարակները և այլն: Լավ արդյունքներ են ստացվում նաև տարբեր ծագման ալերգիկ և մաշկային հիվանդությունների բուժման ժամանակ: Բուժման կուրսը, որպես կանոն, տևում է քսան օր: Այստեղ կարելի է  բուժումը զուգակցել հանգստի հետ`քնել, կարդալ, բիլիարդ կամ սեղանի թենիս խաղալ: Անձավաբուժության մեջ գլխավորն առանձնահատուկ միկրոկլիմայի պայմաններում երկարատև գտնվելն է: Անշուշտ, քսանօրյա այսպիսի հանգստից հետո վերևում մնացած խնդիրներն ավելի ճիշտ են ընկալվում:

Ստոմատոլոգիա:  Ներկայում առավել հաճախ «բժշկական» զբոսաշրջիկներ  հանդիպում են ստոմատոլոգիայի բնագավառում: Հայրենական ատամնաբույժների աշխատանքի որակը չի զիջում աշխարհի լավագույն կլինիկաներին. ժամանակակից սարքեր, բարձրակարգ մասնագետներ, մատչելի գներ: Երևանի բոլոր խոշոր ստոմատոլոգիական կլինիկաներն ունեն համապատասխան արտոնագրեր, որտեղ աշխատող մասնագետները պարբերաբար վերապատրաստվում են արտերկրում, առկա է որակյալ սպասարկման համար անհրաժեշտ ժամանակակից տեխնիկա:

Պլաստիկ վիրաբուժություն: Հայ պլաստիկ վիրաբույժներն առաձնակի մեծ հաջողությունների են հասել ռինոպլաստիկայի՝ քթի պլաստիկայի բնագավառում: Հնարավոր է, այս ձեռքբերումները մասամբ պայմանավորված են հայկական քթի ազգային առանձնահատկությամբ: Բացի ռինոպլաստիկայից, բարձր որակավորում ունեցող մասնագետներն առաջարկում են կրծքերի մեծացման, կոպերի վիրաբուժության, դեմքի մաշկի ձգման, լիպոսակցիայի, լիպոֆիլինգի և այլ ծառայություններ: Առաջարկվում են թեթև վիրահատություններ, որոնցից ընդամենը մի քանի օր անց կարելի է վերադառնալ հայրենի երկիր: Սա շատ հարմար է հատկապես այն զբոսաշրջիկների համար, ովքեր Հայաստան են գալիս հենց պլաստիկ վիրահատության նպատակով:

Անպտղության բուժում: Այսօր բուժման նորագույն եղանակներն ապահովում են մինչև 95% արդյունք, սակայն բուժման բարձր գինը խոչընդոտում է դեպի երջանկություն տանող ճանապարհը:  Երևանի մասնագիտացված կլինիկաներն առաջարկում են անպտղության երաշխավորված բուժում՝ համեմատաբար ցածր գներով: Հիվանդներին առաջարկվում է անպտղության բուժման համար անհրաժեշտ ծառայությունների ամբողջ սպեկտրը՝ ներառյալ արտամարմնային բեղմնավորումը, ներարգանդային սերմնավորումը: Նոր սերնդի առաջատար կլինիկաները մասնագիտանում են կանանց և տղամարդկանց մոտ անպտղության բուժման ուղղությամբ: Կլինիկաները հագեցած են նորագույն սարքերով, աշխատում են փորձառու մասնագետներ, ովքեր յուրաքանչյուր պացիենտին ցուցաբերում են անհատական մոտեցում:

Հայ մասնագետները հաջողությունների են հասել նաև օրթոպեդիայի բնագավառում, ակնաբուժական ծառայություններից հատկապես ռեֆրակցիոն վիրաբուժության բնագավառում (ֆոտոռետրակցիոն կերատէկտոմիա, աչքի լազերային շտկում):