Արթուր Մկրտիչի Գրաբսկի

Արագ որոնում

{doctor - page_service_title}

«Իզմիրլյան» բժշկական կենտրոնի ուրոլոգիական կլինիկան ստեղծվել է 2005 թ.: Կլինիկայի առաջին քայլը քարափշրման սարք ձեռք բերելն էր: Հայաստանն այն քիչ երկրներից էր, որտեղ 1980-ին արդեն միզաքարային բուժման գործընթացում «հեղափոխություն» էր տեղի ունեցել և կտրվածքով վիրահատությունից կտրուկ անցում էր կատարվել ոչ ինվազիվ քարափշրման, որի պարագայում պացիենտը մեկ ժամից կարող էր տուն գնալ:

Այդ տարիներին Խորհրդային Միությունում 2- 3 նման սարքավորում կար, և դրանցից մեկը Հայաստանում էր: Շատերը Ռուսաստանից, Վրաստանից և այլ երկրներից` իմանալով, որ առանց վիրահատության կարող են ազատվել քարերից, գալիս էին բուժվելու Հայաստանում, ինչը մեծ կլինիկական փորձ ապահովեց մասնագետներին:

Կլինիկայի տեղծման պահից կենտրոնը որդեգրել է ժամանակակից ուրոլոգիայի կիրառումը, ինչի արդյունքում մասնագիտական հմտությամբ և տեխնիկական հագեցվածությամբ համապատասխանաում է միջազգային չափանիշներին:

Ուրոլոգիական կլինիկան համալրված է որակյալ մասնագետ բժիշկներով եւ միջին օղակի աշխատակիցներով, որոնցից շատերն ունեն միջազգային մակարդակի գործնական աշխատանքի փորձ: Կլինիկայում է գործում Մխիթար Հերացու անվան ԵՊԲՀ ուրոլոգիայի ամբիոնը գործում է: Մեր կլինիկայում երիտասարդ բժիշկ-ուրոլոգները ստանում են շարունակական մասնագիտական կրթություն և բարձր տեխնոլոգիաներով նորագույն մեթոդների կիրառմամբ կլինիկական փորձի հիման վրա հարստացնում են իրենց գիտելիքները: Կլինիկան հետևողական է թիմային առաջընթացն իրականացնել առողջ և ջերմ մթնոլորտում: Իր գործունեության ամբողջ ընթացքում միշտ հաջողվել է քայլ առաջ գնալ ո՛չ միայն հայաստանյան, այլև արտերկրի մի շարք կլինիկաներից:

Ուրոլոգիայի բաժանմունքում դիստանցիոն քարափշրման սարքից զատ ձեռք է բերվել նաև ժամանակին Հայաստանում առաջին կոնտակտային քարափշրման լազերային սարքը, որը հնարավորություն է տալիս լազերային ճառագայթի օգնությամբ` էնդոսկոպիկ մեթոդով, քարն անմիջապես փոշիացնել:

Ներկայում կլինիկայի մասնագետները կիրառում են նաև Շտորց Մեդիքլ շվեցարական ընկերության արտադրության ամենաժամանակակից սարքը, որի պարագայում հիվանդը չի ենթարկվում ընդհանուր կամ տեղային անէսթեզիայի: Այսինքն, քարափշրումն իրականացվում է ներքին ընդունման ցավազրկողների ազդեցության տակ, իսկ բուժական միջամտությունն ավարտելուց մեկ ժամ անց հիվանդը կարող է տուն գնալ:

Ծառայությունն արդիականացնելու հաջորդ փուլում կլինիկան համալրվեց քարափշրման համար նախատեսված էնդոսկոպիկ գործիքներով: Ֆիբրոուրետրոռենոսկոպ կոչվող գործիքը թույլ է տալիս `միզապարկից մտնելով, հասնել երիկամ և այնտեղից հեռացնել փոքր քարերը: Բաց վիրահատություններին փոխարինեցին ներմաշկային անցքերի օգնությամբ մեծ քարերի հեռացումը: Այժմ ուրոլոգիական կլինիկան հագեցած է առաջատար արտադրողների առավել առաջադեմ բժշկական ախտորոշիչ և բուժական սարքավորումներով, այդ թվում` KARL STORZ լապարոսկոպիկ հավաքածուով:

Ուրոլոգիական հիվանդների հետազոտությունները, ուրոլոգիական հիվանդությունների ախտորոշումն ու բուժումն ընդգրկում է ուրոլոգիական պրոֆիլի բուժօգնության ամբողջ ծավալը` լաբորատոր-գործիքային հետազոտություններ, ինվազիվ և ոչ ինվազիվ վիրաբուժական միջամտություններ, միզասեռական համակարգի արմատական և վերականգնողական վիրահատություններ:

Ներկայում.

հեռահար քարափշրում. իրականացվում է STORZ MEDICAL “MODULITH SLK” լիթոտրիպտորի միջոցով,
միջմաշկային (պերկուտան, մինիպերկուտան) նեֆրոլիթոտրիպսիա. իրականացվում է KARL STORZ “CALCUSPLIT” պնևմատիկ և “STONELIGHT” լազերային լիթոտրիպտորների միջոցով, օգտագործվում են նաև RICHARD WOLF ֆիրմայի գործիքներ,
ուրեթերոռենոսկոպիա, ֆիբրոուրեթերոռենոսկոպիա, վերընթաց ներերիկամային վիրահատություններ. իրականացվում են KARL STORZ “CALCUSPLIT” պնևմատիկ և “STONELIGHT” լազերային կոնտակտային լիթոտրիպտորների միջոցով:

Ներկայում ուրոլոգիական բաժանմունքում բաց վիրահատություններ կատարվում են 5 տոկոսից պակաս դեպքերում, 95 տոկոս դեպքում քարը փշրվում կամ հեռացվում է էնդոսկոպիկ մեթոդով: Դա միջազգային բարձր չափանիշներին համապատասխանող առավելագույն թիվն է: Միզաքարային հիվանդության բուժման տվյալներով կենտրոնը չի զիջում աշխարհի լավագույն կլինիկաներին, դա հաստատվեց նաև Եվրոպական ասոցիացիայի Մյունխենում անցկացված համաժողովում մեր ներկայացրած տվյալները:

Հիմնական առաջնահերթությունը, ինչով ուղղորդվում է կենտրոնի ղեկավարությունը, ուրոլոգիական կլինիկայի աշխատակիցների կողմից` հստակ ցուցումներով, բարձր որակի և նվազագույն վնասումներով, հնարավորինս անվտանգ բուժօգնության տրամադրումն է :

«Իզմիրլյան» ԲԿ ուրոլոգիական կլինիկան համագործակցում է հանրապետության բոլոր, ինչպես նաև Մոսկվայի, Սանկտ-Պետերբուրգի, ԱՄՆ-ի հայտնի ուրոլոգիական կլինիկաների և բարերար Կարո Դերձակյանի կլինիկայի հետ:

Քարափշրում լիտոտրիպտորի միջոցով (մինչև 4.000 հարված) ( անալգեզիայով)	170,000
Կրկնակի քարափշրում	100,000
Քարափշրում լիտոտրիպտորի միջոցով մինչև 18 տարեկան (անալգեզիայով )	100,000
Երիկամի քարերի հեռացում բաց եղանակով` ավազան-միզածորանային սեգմենտի կոռեկցիայով (զուգորդված անզգայացումով)	470,000
Միզաքարային հիվանդության բարդ դեպքեր (սենդվիչ-թերապիա), հեռահար քարափշրում և պերկուտան, ՈՒՌՍ (զուգորդված անզգայացումով)	1,130,000
Միզածորանի քարերի հեռացում բաց եղանակով (զուգորդված անզգայացումով)	330,000