Դավիթ Արեգի Հակոբյան

ԱՏԱՄՆԵՐԻ ՎԵՐԱԿԱՆԳՆՈՒՄ

ՎԻՆԻՐՆԵՐ

Վինիրը («veneer»` թարգմանաբար նշանակում է «պաշտպանող ծածկույթ» կամ երեսպատում) բարակ շերտիկ է կամ թասակ, նախատեսված ատամի արտաքին մակերեսին ամրացնելու (ոչ լրիվ) կամ էլ ատամին անցկացնելու համար (ամբողջովին, կանխարգելելու  համար ատամի քայքայումը): Ժամանակակից նյութերով պատրաստված այս կոսմետիկական  երեսպատիչների «ծառայության ժամկետը բավականին երկարատև է: Վերականգնման այս մեթոդը շարունակում է բարձր պահանջարկ ունենալ` անցավ  լինելու և կարճ ժամկետում առավելագույն էսթետիկ արդյունք ապահովելու հետևանքով: Վինիրները կարող են ծառայել մինչև տաս տարի: Նախքան մեթոդին դիմելը հարկ է նախապես լրովին բուժել ատամները:

Վինիրների օգտագործման ցուցումները.

• անհավասար ատամնաշար,
• տարբեր պատճառներով վնասված էմալ,
• էմալի տարբեր ախտահարումներ, որոնք կարիեսային բնույթ չունեն,
• ատամնաբծեր, ատամի գույնի փոփոխություն:

Վինիրների առավելությունը.

• պացիենտի ատամնաշարի բացարձակապես բնական տեսք,
• վինիրները գույնը չեն  փոխում սուրճից, ծխախոտից, դրանց վրա բծեր չեն առաջանում, չեն գունազրկվում,
• վինիրների տեղադրումը կանխում է ատամնափառի և ատամնաքարերի առաջացումը: 

Վինիրներն ըստ պատրաստման նյութերի լինում են կերամիկական և կոմպոզիտային:

Կոմպոզիտային վինիրները կարելի է ամրացնել երկու եղանակով:

• Ուղղակի եղանակ` վինիրի շերտը տեղում հատուկ սոսնձով ամրացնելով պացիենտի ատամին: Այս եղանակը կիրառվում է, երբ անհրաժեշտ է վերականգնել մեկ-երկու ատամ, ինչը պացիենտին ծառայում է մինչև հինգ տարի: Ստոմատոլոգն այն ամրացնում է մեկ այցի ժամանակ:
• Անուղղակի եղանակ` լաբորատոր մեթոդով, ինչն առավել լավ արդյունք է ապահովում և ավելի երկար է ծառայում:

Կերամիկական վինիրները պատրաստվում են բացառապես լաբորատոր մեթոդով: Ատամները նախապատրաստելուց հետո պատրաստվում է դրոշմաթասակը, որի հիման վրա` մշտական վինիրը (պացիենտին նախքան մշտականն ամրացվում է ժամանակավորը): Ի տարբերություն կոմպոզիտայինի, կերամիկական վինիրները հնարավորություն են տալիս ավելի շատ ատամներ վերականգնել, ավելի ամուր ու երկարատև են և երանգը չեն փոխում:

Եթե վինիրներին վերաբերող հարցեր են առաջացել, այցելեք «Արեգակ ստոմատոլոգիական կլինիկա` խորհրդատվության: Դուք կստանաք Ձեզ հետաքրքրող տեղեկատվությունը, անհրաժեշտության դեպքում բժշկի հետ կմշակվի բուժման պլան:

ԼՅՈՒՄԻՆԻՐՆԵՐ

Կերամիկական վինիրների առանձին տեսակն են լյումինիրները: Դրանք գերբարակ շերտեր են, որոնք պատրաստված են շատ ամուր կերամիկայից: Նման կոսմետիկական երեսպատիչները 0,2-0,3 մմ հաստություն ունեն:  Կոսմետիկական երեսպատիչների այս տեսակը բավականին լայն պահանջարկ ունի, չնայած թանկարժեքությանը: Դա պայմանավորված է և էսթետիկ լավագույն արդյունքով և երկարատևությամբ: Լյումինիրները հնարավոր է ամրացնել ցանկացած մակերեսի, լինի այն պլոմբ, ատամնապսակ, կամ էլ դենտին: Ամրացվում են երկու այցի ընթացքում:

Լյումինիրների կիրառման ցուցումները.

• դիաստեմաներ (ատամների միջև ճեղքեր) և ատամնաշարի անկանոնություն,
• էմալի ճաքեր կամ կոտրված ատամներ,
• ատամների գույնի փոփոխություն. լյումինիրները կարելի է նաև օգտագործել որպես սպիտակեցման այլընտրանքային միջոց և երկարաժամկետ փոխել ատամների գույնը, քանի որ լյումինիրները իրենց գույնը երբեք չեն փոխում,
• -վերացնել հին օրթոպեդիկ կոնստրուկցիաների թերությունները (մետաղակերամիկական ատամնապսակների կոտրվածքներ, ատամնապսակի եզրին արմատի վզիկի մերկացում) առանց դրանք ատամի վրայից հանելու:  

Լյումինիրների առավելությունները.

• լյումինիրների ամրացման համար հարկ չկա նախօրոք ատամները տաշել,
• լյումինիրների օգնությամբ հնարավոր է արագ հավասարեցնել ատամները, առանց բրեկետների օգնության,
• լյումինիրները կարելի է օգտագործել սպիտակեցման փոխարեն:  

ԿԵՐԱՄԻԿԱԿԱՆ ՆԵՐԴԻՐՆԵՐ

Հաճախ են վնասվում ատամնապսակները, կամ ընկնում են ատամնալիցքերը: Նման դեպքերում ատամները հնարավոր է վերականգնել ներդիրների օգնությամբ, որոնք ատամին երկրորդ կյանք կպարգևեն: Ներդիրիների օգնությամբ ատամը վերականգնելը երկար ժամանակ չի խլի:

Կլինիկան առաջարկում է ատամնային ներդիրների մի քանի տեսակ.

• կերամիկական ներդիրներ,
• կոմպոզիտային ներդիրներ,
• ցիրկոնիումի օքսիդից ներդիրներ:

Կերամիկական ներդիրներ օգտագործվում են այն դեպքում, եթե քայքայվել է ատամի 1/3 մասը, բայց ատամը դեռ կա: Կերամիկական ներդիրը լիովին նմանակում է ատամի անատոմիական ձևին, հնարավորություն է տալիս գտնել ատամին համապատասխան գույնը, թքի և մանրէների ազդեցությամբ  չի փոխում գույնը: Կերամիկական ներդիրը կայուն է նաև արտաքին գործոնների ազդեցության հանդեպ:

Կոմպոզիտային ներդիրները կառուցվածքով շատ նման են բնական ատամին, բաղկացած են անօրգանական նյութերի և հեղուկ սինթետիկ նյութի խառնուրդից: Այդպիսի ներդիրները հիանալի պլաստիկ հատկություն ունեն և բարձր էսթետիկ որակ: Կոմպոզիտային ներդիրների առավելություններն են. ամրությունը, ատամը վերականգնելու մեծ արդյունավետությունը, մանրամասն մշակելու հնարավորությունը և առավելագույն էսթետիկ արդյունքը:

Ցիրկոնիումի օքսիդից ներդիրները էսթետիկ ստոմատոլոգիայում ատամի վերականգնման վերջին նվաճումներից է, որոնց մեջ զուգակցվում է առանց մետաղի հիմքը և կերամիկական ծածկույթի նոր տեսակը, որը կատարյալ նմանակում է պացիենտի ատամի էմալի գույնը: Նման ներդիրի տեղադրումը ալերգիա չի հրահրում, ատամի դեպուլպացիա չի պահանջում, որը նշանակում է ատամի պահպանում: Ներդիրի պատրաստումը սովորաբար իրականացվում է երկու այցի ընթացքում:

ԿԾՎԱԾՔԻ ՎԵՐԱԿԱՆԳՆՈՒՄ

Օրթօդոնտիան զբաղվում է  ատամնաշարի տարբեր տեսակների թերությունների, ատամնածնոտային համակարգի անկանոնությունների շտկումով (ինչպես բնածին, այնպես էլ ձեռքբերովի): Այն բարդ գիտություն լինելով հանդերձ, իր մեջ զուգակցում է արվեստը, երկրաչափությունը, ֆիզիկան և, նույնիսկ, ճարտարապետությունը:

Օրթօդոնտիայի օգնությամբ մարդը գեղեցիկ ժպիտ է ձեռք բերում: Այն բարձրացնում է ինքնագնահատականը, բացառում բարդույթները: Լավանում է նաև կյանքի որակը: Օրթօդոնտիան զբաղվում է կծվածքի հետ կապված անկանոնությունների բուժմամբ և կանխարգելմամբ:

Կծվածքը վերին և ստորին ծնոտների ատամնաշարի որոշակի համահարաբերակցությունն է: Գոյություն ունեն կծվածքի ֆիզիոլոգիական և ախտաբանական ձևերը:

Նախկինում կար կարծիք, որ օրթօդոնտիան միայն երեխաների և դեռահասների ատամների շտկման համար է: Օրթօդոնտի օգնությանն են դիմում նաև մեծահասակները, նույնիսկ` տարեցները, ում մոտ կծվածքը վաղուց արդեն ձևավորված է:

Հասուն տարիքում, որպես կանոն, արդեն կան ոչ ճիշտ կծվածքի այս կամ այն հետևանքները, այդ պատճառով այս պարագայում պետք է կանխարգել կամ բուժել բարդությունները:

Օրթօդոնտիկ բուժումը հնարավոր է, երբեմն` անհրաժեշտ է, պրոթեզավորումից առաջ: Ատամնաշարի դիրքը շտկելուց հետո պրոթեզն ավելի երկար է ծառայում, քանի որ ծամողական ծանրաբեռնվածությունը  հավասարաչափ և ճիշտ է տեղաբաշխվում:    Մի շարք դեպքերում առանց նախնական օրթօդոնտիկ նախապատրաստության պրոթեզավորում կատարելն անհնար է լինում:

Երրորդ սերնդի նոր TRIOS^®-ը Արեգակ ստոմատոլոգիայի և իմպլանտոլոգիայի կենտրոնում

Med-ArmTours թիմը ծառայություններն առաջարկում է բուժհաստատություններում գործող նույն գնացուցակով, ներառելով հետևյալ օժանդակ ծառայություններն` առանց լրացուցիչ վճարի.

1. առ-ցանց կապ,
2. խորհրդատվություն,
3. նախապես ընդունելության գրանցում բժշկի մոտ կլինիկայում,
4. հանդիպում բժշկի հետ կինիկայում,
5. անհրաժեշտության դեպքում ուղեկցի տրամադրում:

Լրացուցիչ վճարովի ծառայություններ.

1. թարգմանիչ:

ԳՆԱՑՈՒՑԱԿ

Ամբողջական ցիրկոնե միավոր (վինիր). 125.000 ՀՀ դրամ
Ատամնային ներդիրներ. 80.000-140.000 ՀՀ դրամ
Ատամի վերականգնում կոմպոզիտներով. 40.000 ՀՀ դրամ
Օրթոդօնտիա. 450.000-500.000 ՀՀ դրամ