Արեգակ ստոմատոլոգիայի և իմպլանտոլոգիայի կենտրոն

Ատամների պրոթեզավորման էությունը ծամող գործառույթի լիակատար վերականգնումն է: Ատամների պրոթեզավորումը  կատարվում է խիստ անհատական, հաշվի առնելով կլինիկական պատկերը և պացիենտի նախասիրությունները:

Կլինիկայում ատամների և ատամնաշարի պրոթեզավորումը կատարվում է համաշխարհային չափանիշներին համապատասխան: Ֆունկցիոնալ և էսթետիկ պրոթեզներ պատրաստելու համար օգտագործվում են միայն ժամանակակից նյութեր` պոլիմեր, մետաղներ, ցիրկոնիում, կերամիկա, կոմպոզիտները և այլն:  Իսկ աշխատակիցները ատամների ցանկացած բարդության պրոթեզներ պատրաստելու մեծ փորձ ունեն. մետաղակերամիկական, կամրջաձև պրոթեզներ, մետաղապլաստմասե և շարժական կոնստրուկցիաներ` մասնակի և լրիվ շարժական պրոթեզներ, բյուգելային պրոթեզներ և այլն:

Եթե առկա են դիաստեմաներ (ատամների միջև ճեղքեր) և ատամնաշարի անկանոնություն, էմալի ճաքեր կամ կոտրված ատամներ, ատամների գույնի փոփոխություն, հին օրթոպեդիկ կոնստրուկցիաների թերություններ (վերացնել առանց դրանք ատամի վրայից հանելու), կարելի է օգտագործել կերամիկական վինիրներից լյումինիրներ: Դրանք գերբարակ շերտեր են` պատրաստված շատ ամուր կերամիկայից: Նման կոսմետիկ երեսպատիչները 0,2-0,3 մմ հաստություն ունեն, և, չնայած թանկարժեքությանը, լայն պահանջարկ ունեն, ինչը պայմանավորված է էսթետիկ լավագույն արդյունքով, և երկարատևությամբ: Լյումինիրների ամրացման համար հարկ չկա նախօրոք ատամները տաշել, նրանց օգնությամբ հնարավոր է արագ հավասարեցնել ատամները` առանց բրեկետների օգնության: Լյումինիրները հնարավոր է ամրացնել ցանկացած մակերեսի` պլոմբի, ատամնապսակի, դենտինի:

Կերամիկական վինիրներից լյումինիրներն ատամներին ամրացվում են ստոմատոլոգին երկու այցի ընթացքում:

Եթե վնասվել են ատամնապսակները, ատամները կարելի է վերականգնել ներդիրների օգնությամբ` երկրորդ կյանք տալով ատամին: Կլինիկան առաջարկում է ատամնային ներդիրների մի քանի տեսակ. կերամիկական, կոմպոզիտային և ցիրկոնիումի օքսիդից ներդիրներ:

Կերամիկական ներդիրներ օգտագործվում են, եթե քայքայվել է ատամի 1/3 մասը: Դրանք լիովին նմանակում է ատամի անատոմիական ձևին և գույնին, թքի և մանրէների ազդեցությամբ  չեն փոխում գույնը, կայուն են արտաքին գործոնների ազդեցության հանդեպ:

Կոմպոզիտային ներդիրները կառուցվածքով շատ նման են բնական ատամին, հիանալի պլաստիկ հատկություն ունեն և բարձր էսթետիկ որակ: Այս ներդիրները բավականին ամուր են, արդյունավետ վերականգնում են ատամները` ստանալով առավելագույն էսթետիկ արդյունք:

Ցիրկոնիումի օքսիդից ներդիրներն ատամի վերականգնման վերջին նվաճումներից է:  Ցիրկոնիումի դիօքսիդից պատրաստված պսակի մեջ զուգակցվում է առանց մետաղի հիմքը և կերամիկական ծածկույթի նոր տեսակը, որը կատարյալ նմանակում է պացիենտի ատամի էմալի գույնը` պահպանելով ատամը:

Ներդիրի պատրաստումը սովորաբար երկու այցի ընթացքում է կատարվում:

Եթե ատամը լիովին քայքայվել է, բայց արմատը դեռ ամբողջական է, դիմում են ներարմատային ներդիրի օգնությանը: Դա պրոթեզ է, որը հնարավորություն է տալիս վերականգնել կարիեսով ախտահարված, կամ վնասված ատամնապսակի անատոմիական ձևը, ատամի մեծ խոռոչի պլոմբավորման լավագույն եղանակ է, օգտագործում են նաև ատամնապսակներ տեղադրելիս, հիմք են կամրջաձև պրոթեզի համար, կարող են զուգակցվել արմատային շտիֆտների հետ` խիստ վնասված ատամը վերականգնելու համար: Ներարմատային ներդիրը տեղադրվում է ատամի արմատուղու մեջ, իսկ վրայից պատրաստվում և տեղադրվում է ատամնապսակը` հնարավորություն տալով բնական ատամի նման ծանրաբեռնվածությունը հավասարաչափ բաշխել: Արդյունքում վերականգնվում է ատամի կառուցվածքը` առավել ամուր է և կայուն արտաքին ազդեցության հանդեպ: Ներատամնային ներդիրները բերանի խոռոչում ամրացվում են ցեմենտի կամ սոսնձի դեր կատարող հատուկ նյութի օգնությամբ: Ներդիրի տակ կարիեսի զարգացումը քիչ հավանական է և երբեք չի կոտրվում:

Եթե առկա են ատամների ամբողջական կամ մասնակի բացակայություն, յուրաքանչյուր կոնկրետ դեպքի համար պատրաստվում և տեղադրվում է շարժական, մասնակի շարժական կամ անշարժ պրոթեզ: Ժամանակակից շարժական պրոթեզները գեղեցիկ տեսք ունեն, հուսալի են, ամուր և կարիք չկա դրանք մշտապես հանել բերանից: Անշարժ պրոթեզավորում են համարվում վինիրների, ներդիրների, ատամնապսակների, կամրջաձև պրոթեզների, իմպլանտատների տեղադրումը:

Շարժական թիթեղավոր պրոթեզը բաղկացած է հիմքից (պլաստմաս կամ մետաղ), արհեստական ատամներից և կլամերներից, որոնք յուրաքանչյուր առանձին կլինիկական դեպքում անհատական չափսեր ունեն` հաշվի առնելով բոլոր առանձնահատկությունները: Պրոթեզի հիմքը ճշգրիտ համապատասխանում է պրոթեզավորվող մակերեսի ռելիեֆին և կողմնային ատամների մակերեսին, որոնց վրա տեղադրվում և հենվում է պրոթեզը, ամրանալով կլամերներով: Հիմքի վրա ամրացված արհեստական ատամները լրացնում են ատամնաշարի բացակա ատամները:  

Եթե ատամնաշարի ամենավերջում թերություն կա (բացակայում են ծամող ատամները) պրոթեզն ամրացվում է միայն կողպեքի օգնությամբ և տեղադրվում է միակողմանի ատամնային պրոթեզ, որն ամրացվում է կլամերով  կամ ատտաչմենով (կողպեք):

Եթե մեկ ատամ է բացակայում` ավելի հաճախ ծամող ատամը, պայմանական շարժական պրոթեզներ են կիրառվում: Դրանք պատրաստվում են կերամիկայից կամ պլաստմասսայից: Հարևան ատամներին ամրացվում են հատուկ մետաղե տարրերի օգնությամբ, որոնք պինդ ամրանում են որպես հիմք ծառայող ատամին:

Եթե ատամանաշարում բացակայում են մի քանի ատամներ կամ ծամող ատամները, նպատակահարմար է տեղադրել մասնակի շարժական պրոթեզներ, որոնք կարող են ծառայել նաև որպես հենք կամրջաձև և ժամանակավոր պրոթեզների համար: Դրանք են պլաստմասաե թիթեղավոր պրոթեզները և բյուգելային պրոթեզները:

Մասնակի պլաստմասսայե պրոթեզներն առավել հասարակ և ֆինանսապես մատչելի կոնստրուկցիաներ են, ամրացվում են անհրաժեշտ հատվածի հարևան ատամներին հատուկ մետաղե կլամերների օգնությամբ, որոնք ամրացվում են ատամի հիմքին, պինդ «գրկելով» այն և թույլ չտալով, որ պրոթեզը տեղաշարժվի: Որպես հիմք է ծառայում լնդերը: Պլաստմասսայե կոնստրուկցիաները թեև մատչելի են, բայց մի շարք թերություններ ունեն, որոնցից կարելի է նշել ցավը և հնարավոր անհարմարավետությունը ստործնոտային հատվածում: Ատամնային պրոթեզի պատրաստման համար լավագույնը համարվում են կոմպոզիտային և կերամիկական նյութերը:

Բյուգելային պրոթեզները (կամ աղեղային) առավել բարդ և թանկարժեք կոնստրուկցիաներ են: Հիմքում աղեղն է, որը միացնում է արհեստական լնդերն ատամներին: Դրանք հուսալի են և հարմարավետ, նպաստում են ծամելու ժամանակ ճնշման հավասարաչափ բաշխմանը ատամների և լնդերի միջև: Բյուգելն արտաքնապես կոմպակտ է, հարմարավետ և օգտագործման առումով` երկարատև: Բյուգելային պրոթեզն անհատական առանձնահատկություններով է պատրաստվում, քանի որ այն պետք է փոխկապակցված լինի պացիենտի բնական ատամների հետ, համապատասխանի վերջինիս բերանի խոռոչի առանձնահատկություններին:

Ստոմատոլոգիայում օգտագործվում են տելեսկոպիկ մեթոդով  ամրացվող բյուգելային պրոթեզներ և կլամերներով ու կողպեքներով  ամրացվող բյուգելներ: Կլամերներով ամրացվող բյուգելային պրոթեզները պատրաստվում են ատամին համապատասխան, այդ պատճառով էլ հիանալի ամրանում են` առանց էմալը վնասելու: Կողպեքներով (ատտաչմեններ) ամրացվող բյուգելային պրոթեզներն ավելի ամուր են, ամրացվում են հենքային ատամին, կամ հատուկ այդ ատամի համար պատրաստված ատամնապսակին: Այս դեպքում` թաքնված լինելով բյուգելային պրոթեզի ներսում, դրանք արտաքնապես չեն երևում:

Կամրջաձև պրոթեզի տեղադրումից առաջ, անհրաժեշտության դեպքում, ռենտգեն հետազոտություն է կատարվում` հնարավոր բարդությունները կանխարգելելու նպատակով: Մշակվում են այն ատամները, որոնց վրա պետք է տեղադրվեն կամրջաձև պրոթեզի կառուցվածքում ատամնապսակները: Նախապես անց են կացվում հիգիենիկ միջոցառումներ, լնդերի բուժում, հիմքային ատամների պլոմբում և, եթե անհրաժեշտ է, ատամնապսակի տեղադրում: Հետո տաշվում են անհարթ հատվածները, որոնք կարող են խանգարել պրոթեզի ամրացմանը: Հաջորդ փուլում փորձարկվում է պատրաստի պրոթեզը, տեղում կատարվում անհրաժեշտ շտկումները և ամրացվում ցեմենտով կամ այլ նյութով: Եթե մի քանի օրից պրոթեզի հետ կապված խնդիրներ են առաջանում, անպայման դիմել բժշկին:

Եթե ատամները վնասված են, թույլ են, լուրջ թերություններ ունեն, կամ պարզապես բացակայում են, ատամների  վերականգնման համար լավագույն մեթոդներից է ատամնապսակի տեղադրումը:  Այն աչքի է ընկնում բարձր արդյունավետությամբ, երկարատևությամբ և պրոթեզի դիմացկունությամբ, որոնք ատամի համար հիանալի պաշտպանություն են ապահովում: Ատամնապսակն անշարժ ատամնապրոթեզն է, որը պատրաստվում է ատամնատեխնիկական լաբորատորիայում ծնոտի դրոշմաթասակի օգնությամբ, իսկ հետո ամրացվում է:

Օրթոպեդիայում ատամնապսակների տարբեր տեսակներ կան: Պացիենտներին առավել մատչելի լինելու համար ատամնապսակների տեսակները տարբերակվում են ըստ դրանց պատրաստման նյութերի: Ատամնապսակները լինում են մետաղե, մետաղակերամիկական և կերամիկական: Այս կամ այն տեսակի ատամնապսակ ընտրելիս հաշվի են առնվում կլինիկական ցուցումները, պացիենտի ցանկությունը և վճարունակությունը:

Մետաղե ատամնապսակները պատրաստվում են տարբեր մետաղների համաձուլվածքից` տիտան, պողպատ, կիրառում են նաև ոսկի կամ պլատին: Մետաղե ատամնապսակները լիովին վերականգնում են ատամի ծամողական գործառույթը, բայց արտաքնապես այնքան էլ գեղեցիկ չեն:

Մետաղակերամիկական ատամնապսակները լավագույն տարբերակ են, քանի որ զուգակցում են ամրությունը և բնական արտաքին տեսքը: Նման ատամնապսակները բաղկացած են մետաղից, որն արտաքնապես ծածկված է կերամիկայով: Մետաղն ատամնապսակին ամրություն է տալիս, իսկ կերամիկան ապահովում է գեղեցիկ արտաքին տեսքը: Մետաղակերամիկական ատամնապսակներով վերականգնում են և՛ առջևի, և՛ հետին ատամները, որոնք գրեթե չեն տարբերվում բնական ատամնաշարից, իսկ ամրությամբ գերազանցում են մետաղե համաձուլվածքին: Մետաղակերամիկական ատամնապսակները շատ դիմացկուն են և երկար են ծառայում:

Կերամիկական ատամնապսակները պատրաստվում են ստոմատոլոգիական հատուկ ճենապակուց: Նման պրոթեզներն ամրության այնքան էլ բարձր ցուցանիշներ չունեն: Այդ նյութից պատրաստում են միայն առջևի ատամները` էսթետիկ տեսքը լավացնելու նպատակով, քանի որ կերամիկական ատամնապսակները ծամելու ճնշմանը չեն դիմանում:  Կերամիկական ատամնապսակները իրենց գույնը շատ երկար են պահպանում և տարիների ընթացքում չեն խունանում, չեն դեղնում:

Ցիրկոնե ատամնապսակներ

Med-ArmTours թիմը ծառայություններն առաջարկում է բուժհաստատություններում գործող նույն գնացուցակով, ներառելով հետևյալ օժանդակ ծառայություններն` առանց լրացուցիչ վճարի.

1. առ-ցանց կապ,
2. խորհրդատվություն,
3. նախապես ընդունելության գրանցում բժշկի մոտ կլինիկայում,
4. հանդիպում բժշկի հետ կինիկայում,
5. անհրաժեշտության դեպքում ուղեկցի տրամադրում,
6. առողջապահական փաստաթղթերի տրամադրում` ներկայացնելու պացիենտին սպասարկող ապահովագրական ընկերությանն իր երկրում:

Լրացուցիչ վճարովի ծառայություններ.

1. թարգմանիչ:
 

ԳՆԱՑՈՒՑԱԿ

Միակտոր միավոր. 25,000 ՀՀ դրամ
Մետաղկերամիկական պսակ, 1 միավոր Ceramko 3. 55,000 ՀՀ դրամ
Մետաղկերամիկական պսակ, 1 միավոր Duceram Plus. 70,000 ՀՀ դրամ
Մետաղկերամիկական պսակ, 1 միավոր IVOCLAR. 65,000 ՀՀ դրամ
Կերամիկական վինիր (երեսպատում). 85,000 ՀՀ դրամ
Ցիրկոնե ատամնաշապիկ. 125,000 ՀՀ դրամ
Պարզ բյուգելային պրոթեզներ կլամերներով. 200,000 ՀՀ դրամ
Բարդ բյուգելային պրոթեզներ. 300,000 ՀՀ դրամ
Ամբողջական պարզ շարժական պրոթեզներ. 100,000 ՀՀ դրամ
Ամբողջական շարժական պրոթեզներ - Ivocap. 200,000 ՀՀ դրամ
Մասնակի շարժական պրոթեզներ VALPAST. 150,000 ՀՀ դրամ
Ախտորոշիչ մոդելի պատրաստում. 10,000 ՀՀ դրամ
Շարժական պրոթեզների շտկում. 10,000 ՀՀ դրամ
Ամբողջաձույլ պսակ. 7,000 ՀՀ դրամ
Շարժական պրոթեզների վերանորոգում. 7,000 ՀՀ դրամ
Ատտաչմենի (կողպեքի) վերանորոգում. 7,000 ՀՀ դրամ
Շարժական պրոթեզների վրա ատամների ավելացում  7,000 ՀՀ դրամ