Արեգակ ստոմատոլոգիայի և իմպլանտոլոգիայի կենտրոն

Կծվածքը վերին և ստորին ծնոտների ատամնաշարի որոշակի համահարաբերակցությունն է: Գոյություն ունեն կծվածքի ֆիզիոլոգիական և ախտաբանական ձևերը: Նորմալ (ֆիզիոլոգիական) կծվածքի ձևավորումը շատ հարցերում պայմանավորված է երեխայի կենսակերպից` սկսած ծնված օրից, երբ դեռ կրծքի կաթով է կերակրվում: Փոքրիկի մեծանալուն զուգահետ` կարևոր է, որ նրա մոտ վնասակար սովորություններ չզարգանան, օրինակ, մատը բերանը տանել, բերանով շնչել, գրիչը կամ մատիտը կրծել և այլն:

13-17 տարեկան դեռահասների մոտ օրթօդոնտիան զբաղվում է կանխարգելմամբ: Կծվածքի կարգավորումը, հավասար ատամնաշարի ձևավորումը նպաստում են կարիեսի և պարօդոնտոլոգիական հիվանդությունների հնարավորինս կանխարգելմանը:

Քանի որ կծվածքը վերջնականապես ձևավորվում է մոտ 13-14 տարեկանում, մինչ այդ այն բավականին դյուրին է «փչացնելը»` ժամանակին կանխարգելմամբ չզբաղվելով: Հետագայում, այն, իհարկե՛, շտկել հնարավոր է, բայց դրա համար առավել լուրջ միջոցներ են պետք, սկսած բրեկետ-համակարգից մինչև ատամնածնոտային վիրահատություններ:

Մինչև 12-13 տարեկան երեխաների օրթօդոնտի մոտ բուժումը տարբերվում է նպատակով և մեթոդներով: Հիմնական նպատակը պաթոլոգիական կծվածքի ձևավորման և բարդությունների կանխարգելումն է, որոնք այն կարող է հրահրել: Այս տարիքում երեխաների բուժումը կատարվում է, այսպես կոչված, շարժական սարքով,  որը երեխան կրում է օրվա մեջ խիստ որոշակի ժամանակահատված և ինքնուրույն կարող է հանել, օրինակ, ուտելուց առաջ:

Պետք է նշել նաև, որ 12-13 տարեկանում բուժումը կատարվում է ոչ թե շարժական սարքով, այլ լիարժեք բրեկետ-համակարգով, որը բուժման ընթացքում անշարժ է մնում:

Քանի որ երեխայի ատամնածնոտային համակարգը դեռ նոր է սկսում ձևավորվել, ապա անհրաժեշտ է ոչ թե այն շտկել, այլ կծվածքի զարգացումը «ճիշտ ուղու վրա դնել»: Այս հարցում  օգնական են մանկական ատամնային շերտիկները (պլաստինա):

Med-ArmTours թիմը ծառայություններն առաջարկում է բուժհաստատություններում գործող նույն գնացուցակով, ներառելով հետևյալ օժանդակ ծառայություններն` առանց լրացուցիչ վճարի.

1. առ-ցանց կապ,
2. խորհրդատվություն,
3. նախապես ընդունելության գրանցում բժշկի մոտ կլինիկայում,
4. հանդիպում բժշկի հետ կինիկայում,
5. անհրաժեշտության դեպքում ուղեկցի տրամադրում,
6. առողջապահական փաստաթղթերի տրամադրում` ներկայացնելու պացիենտին սպասարկող ապահովագրական ընկերությանն իր երկրում:

Լրացուցիչ վճարովի ծառայություններ.

1. թարգմանիչ:

ԳՆԱՑՈՒՑԱԿ

Ատամնալիցք. 8,000 ՀՀ դրամ
Էնդոդոնտիկ բուժում. 7,000 ՀՀ դրամ
Ֆիսուրների հերմետիզացիա. 6,000 ՀՀ դրամ
Ատամի հեռացում. 3,000 ՀՀ դրամ
Ատամնային ներդիրներ. 80,000-140,000 ՀՀ դրամ
Ատամի վերականգնում կոմպոզիտներով. 40,000 ՀՀ դրամ
Օրթոդօնտիա. 450,000-500,000 ՀՀ դրամ