Ցիտո բժշկական կենտրոն

Լաբորատորիան էքսպրես է կոչվում, քանի որ կատարվող հետազոտությունների 90 % ցուցանիշները պատրաստ են լինում 1-ին 2 ժամվա ընթացքում:

Էքսպրես լաբորատոր ծառայությունն իրականացվում է շտապ դեպքերի ժամանակ, երբ հիվանդը վերակենդանացման բաժանմունքում է, և բժշկին հետազոտությունների արդյունքներն անհաժեշտ են շտապ՝ կյանքի ցուցումով: Ահս դեպքերում հիմնականում որոշվում են  կյանքի հետ անհամատեղելի վիճակը բնորոշող ցուցանիշները, օրինակ. կեսնաքիմիական, մակարդելիության հետ կապված ցուցանիշները և այլն:

Էքսպրես լաբորատոր հետազոտության են դիմում, երբ պացիենտը ինչ-ինչ պատճառով (օրինակ, պետք է մեկնի այլ երկիր) չի կարող սպասել: Նման դեպքերում նույնպես հետազոտությունների պատասխանների ստացման գործընթացն արագացվում է, և պատրաստ է լինում 1-ին 2 ժամվա ընթացքում: Հիմնականում դրանք այն ցուցանիշներն են, որոնք անհրաժեշտ են հիվանդության ախտորոշման մեջ շուտ կողմնորոշվելու և բուժումը ժամանակին ճիշտ նշանակելու համար:

«Ցիտո» բժշկական կենտրոնում ախտորոշիչ  լաբորատորիան համալրված է ժանակակից նորագույն սարքերով:  Հիմնական լաբորատոր մաս կազմող սարքերից են «Ռոշ» ընկերության արտադրության անալիզատորները. Կոբոշ 400 ընտանիքը՝ 311 բիոքիմիական անալիզատորը  և 411 իմունոլոգիական անալիզատորը: Կլինիկական լաբորատորիայում աշխատում են Սիսնեքս 1000 ԱՅ արյան ընդհանուր հետազոտության անալիզատրով, որը թույլ է տալիս մեկ րոպեի ընթացքում ունենալ արյան ընդհանուր հետազոտությանը վերաբերող 24 ցուցանիշ:  Ուրիսիս 1100 սարքի օգնությամբ իրականացվում են մեզի ընդհանուր հետազոտություններ: Մակարդելիությունը որոշվում է «Ստագո» ընկերության արտադրության Ստարտ 4 կիսամեքենայացված անալիզատրով: ԴՆԹ անջատումն իրականացվում է էԿՈ մեկուկես բոքսում, որը Հայաստանում, թերևս, միակն է: Այն թույլ է տալիս ստանալ բարձր ճշգրտության տվյալներ:
Կենտրոնում գործում են իմունոլոգիական, սերոլոգիական, բիոքիմիական, կլինիկական, PCR-լաբորատորիաներ, կատարվում են մանրէաբանական հետազոտություններ: Գենետիկական հետազոտություններից զատ` իրականացվում են հնարավոր բոլոր հետազոտությունները:

Կենտրոնում առկա է բարձրորակ, մեծ հնարավորություններով ՈՒՁՀ սարք` հագեցած է ժամանակակից բոլոր տեսակի տվիչներով, որոնց օգնությամբ կատարվում են վահանաձև գեղձի, կրծքագեղձի, որովայնի խոռոչի, փոքր կոնքի, հոդերի և անոթների դուպլեքս հետազոտություններ: Սարքն ունի նաև էլաստոգրաֆիայի հնարավորություն, որի շնորհիվ մակերսային օրգանների, մասնավորապես, վահանաձև գեղձի, կրծքագեղձի ուռուցքային գործընթացների ժամանակ կարելի է որոշել հյուսվածքների էլաստիկության աստիճանը, ինչը կարևոր ցուցանիշ է որոշելու ուռուցքների տեսակը (որքան հյուսվածքի էլաստիկությունը բարձր է, այնքան ուռուցքային գործընթացը բարորակ է):

Կենտրոնում իրականացվում է պունկցիոն բիոպսիա վահանաձև գեղձի, կրծքագեղձի գոյացությունների կասկածի դեպքում:

Այն շատ ինֆորմատիվ է գինեկոլոգիական խնդիրների դեպքում նույնպես: Կոմպլեքսում առկա է նաև ներհեշտոցային դատչիկ:  Փաստորեն տեսանելիությունը հասցված է մաքսիմումի, որի դեպքում ամեն տեսակի պաթոլոգիա հեշտությամբ կարող է հայտնաբերվել:

Սարքի մոդելը Տոշիբա ֆիրմայի Ավլո 500 է:  Դա վերջին սերնդի ապարատ է: Սարքն ունի նաև լրացուցիչ  այլ հնարավորություններ, որոնց շնորհիվ, հետագայում, եթե անհրաժեշտ լինի, կարող են իր վրա ավելացվել և տեղադրվել  նորագույն տեխնիկայի որոշ լրացուցիչ էլեմենտներ:

Էքսպրես լաբորատորիայում հետազոտությունները խնայում են ժամանակը` պահպանելով կատարման որակը  բարձրորակ սարքավորումների շնորհիվ: Հետազոտությունների գները համեմատաբար թանկ են, ինչը պայմանավորված է Ժամանակի խնայելու և կատարման որակը  բարձրորակ սարքավորումների շնորհիվ ապահովելու հետ: