Իզմիրլյան բժշկական կենտրոն

«Իզմիրլյան» ԲԿ-ում կայացավ «Բազմաչափանշային ՄՌՏ-ի կիրառումը նյարդաբանական պրակտիկայում» թեմայով գիտաժողով

Արմեն Գերասիմի Չարչյան

ԵՊԲՀ Վնասվածքաբանության և օրթոպեդիայի ամբիոնի վարիչ, «Իզմիրլյան» բժշկական կենտրոնի տնօրեն, բ.գ.դ, դոցենտ, վնասվածքաբան-օրթոպեդ

Անուշ Մարալյան

Ճառագայթաբան

«Իզմիրլյան» ԲԿ-ում կայացավ «Բազմաչափանշային ՄՌՏ-ի կիրառումը նյարդաբանական պրակտիկայում» թեմայով գիտաժողով

«Իզմիրլյան» ԲԿ-ում կայացավ «Բազմաչափանշային ՄՌՏ-ի կիրառումը նյարդաբանական պրակտիկայում» թեմայով գիտաժողով

«Իզմիրլյան» ԲԿ-ում կայացավ «Բազմաչափանշային ՄՌՏ-ի կիրառումը նյարդաբանական պրակտիկայում» թեմայով գիտաժողով

«Իզմիրլյան բժշկական կենտրոնի ռադիոլոգիայի բաժանմունքը վերազինվել է ժամանակակից սարքերով, որոնց միջոցով կենտրոնի մասնագետները կարող են որակապես նոր բուժ օգնություն մատուցել: Այդ առիթով սույն թվականի հոկտեմբերի 27-ին Իզմիրլյան ԲԿ հանդիպումների դահլիճում անցկացվեց գիտաժողով «Բազմաչափորոշիչ ՄՌՏ հետազոտությունների կիրառությունը նյարդաբանական պրակտիկայում» թեմայով: Գիտաժողովին մասնակցում էին ճառագայթաբաններ, նյարդաբաններ, նյարդավիրաբույժներ, ուռուցքաբաններ և այլ մասնագետներ:

«Իզմիրլյան» բժշկական կենտրոնի ռադիոլոգիայի բաժանմունքը հիմնադրվել է 2015թ. և հագեցած է գերժամանակակից բժշկական տեխնիկայով: Բաժանմունքում առկա են մագնիսա-ռեզոնանսային տոմոգրաֆ, համակարգչային տոմոգրաֆ, թվային և շարժական ռենտգեն սարքեր, երկու էլեկտրոնա-օպտիկական և երկու ՈՒՁՀ սարք: Մագնիսա-ռեզոնանսային տոմոգրաֆը 1,5 տեսլա հզորություն և ծրագրային մեծ հնարավորություններ ունի՝ ի տարբերություն այլ գործող սարքերի: Համակարգչային տոմոգրաֆն ունի եռաչափ ռեկոնստրուկցիայի հնարավորություն, իսկ ռենտգեն սարքի օգնությամբ հնարավոր է տարբեր պրոեկցիաներով պատկերներ ստանալ, ինչպես նաև համեմատել նոր պատկերը հնի հետ:

ՄՌՏ-ն որպես հետազոտության մեթոդ իր անփոխարինելի դերն ունի բազմաթիվ հիվանդությունների ախտորոշման մեջ` հատկապես կենտրոնական նյարդային համակարգի, հենաշարժական համակարգի, ինչպես նաև որովայնի պարենխիմատոզ օրգանների ախտահարումերի ժամանակ: Վերջին սերնդի ՄՌ տոմոգրաֆների շնորհիվ հասանելի է դարձել սրտի, թոքերի և աղեստամոքսային համակարգի մագնիսա-ռեզոնանսային հետազոտությունները:

ՄՌՏ նորագույն կիրառումներից է ՄՌ-մամոգրաֆիան, որն անվնաս է և չունի տարիքային սահմանափակում: «Իզմիրլյան» բժշկականկենտրոնում արդեն հնարավոր է իրականացնել ամբողջ մարմնի ՄՌՏ հետազոտություն` դիֆուզ-կախված նկարների ստացումով, որն ամբողջ աշխարհում կիրառվում է օնկոսքրինինգի՝ ուռուցքների հայտնաբերման համար: Կիրառվում է նաև նոր մեթոդ կանանց օրգանների պատկերավորման համար՝ հիստերոսալպինգոգրաֆիա, երբ ներհեշտոցային կոնտրաստավորման ճանապարհով կարողանում ենք արգանդի և փողերի անցանելիությունը պարզել: