Ավանգարդ բժշկական կենտրոն

Կրծքագեղձերի էսթետիկ վիրահատությունները կատարվում են կրծքագեղձերի մեծացման, փոքրացման և ձգման նպատակով: Երբեմն անհրաժեշտ է լինում փոքրացնելու հետ միաժամանակ նաև բարձրացնել, երբեմն՝ առանց փոքրացման բարձրացնել:

Կիրառվում է կրծքագեղձերի մեծացման երկու մեթոդ.

1. Կրծքագեղձերի  վիրահատություններ իմպլանտների կիրառմամբ. կլինիկայում կատարվող վիրահատությունների 99% դեպքերում իմպլանտները դրվում են մկանի տակ, ինչը կանխարգելում է կապսուլայի առաջացումը և, եթե իմպլանտը մեծ է, ավելի բնական է ստացվում ու եզրերի շոշափման խնդիր չի լինում: Իմպլանտների չափերը որոշվում են անհատական՝ պացիենտի հետ քննարկելուց հետո: Իմպլանտով կարելի է կրծքագեղձի բավականին արտահայտիչ չափեր ստանալ:
2. Կրծքագեղձերի  վիրահատություններ` որպես տրանսպլանտատ գտագործելով սեփական ճարպը. մեծացում սեփական հյուսվածքների հաշվին:

Կրծքագեղձերի  մեծացում իմպլանտների կիրառմամբ

Մեթոդի ընտրությունը որոշվում է բժիշկ-պացիենտ հանդիպման քննարկման արդյունքում: Կրծքագեղձերի վիրահատության ժամանակ կտրվածքը կատարվում է ստորկրծքային ծալքի շրջանում:  Հետվիրահատական շրջանում մեկ շաբաթ թևերի շարժումների ժամանակ կարող են ցավեր լինել: Վիրահատությունից հետո մեկ օր պացիենտը մնում է կլինիկայում, իսկ հաջորդ օրը՝ համապատասխան խորհուրդներ և հրահանգներ ստանալուց հետո, դուրս է գրվում: Տրամադրվում են  նկարներ և ցուցումներ՝  տանը կրծքագեղձի մերսում կատարելու տևողության և հաճախականության վերաբերյալ: Մերսումներըը պետք է կատարվեն երեք ամիս: Հիվանդը հսկողության տակ մնում է առաջին 7 օրը, մինչև ենթամաշկային կոսմետիկ կարերը ներծծվեն կամ հանվեն:

Կրծքագեղձերի մեծացում սեփական ճարպի աուտոտրանսպլանտացիայով

Այս մեթոդին դիմելիս հաշվի է առնվում օրգանիզմի հնարավորությունները, օրինակ. պացիենտը կարող է անհրաժեշտ քանակի ճարպ չունենալ: Վիրահատությունն առանց կտրվածքների է և միանգամայն անվնաս: Կատարվում է 1,5-2 մմ անցքերի միջով ներարկումներ: Ճարպը ներարկվում է ոչ թե գեղձի մեջ, այլ մկանի վրա, գեղձի տակ, մկանի մեջ կամ ենթամշկային հյուսվածքի մեջ:

Վիրահատությունից հետո կարող են լինել որոշակի կալցիֆիկատներ, վակուումներ, որոնք անվնաս են: Վիրահատության միակ խնդիրը  ճարպի որոշակի քանակի ներծծումն է օրգանիզմի կողմից: Դա է պատճառը, որ արդյունքը գնահատվում է 3.5-4 ամիս անց, երբ արյան շրջանառությունն արդեն վերականգնված է և այլևս ճարպի ներծծում չի ընթանում: Թե որքան ճարպ կներծծվի` կանխատեսել անհնար է: Դա կախված է տեխնիկայից, ճարպի մշակումից, օրգանիզմի մետաբոլիզմից: Նաև որոշ ժամանակ է պահանջվում, որ ճարպային հյուսվածքն անոթավորվի:

Վիրահատության ժամանակ վերցված ճարպը բաժանվում է երկու մասի. մի մասից անջատվում են այն բջիջները, որոնք առավել կենսունակ են. այդ կերպ ներծծման գործընթացը հասցվում է նվազագույնի: Մյուս մասն օգտագործվում է ծավալ ապահովելու համար:

Հետվիրահատական շրջանում կրծքագեղձում ցավեր գրեթե չեն լինում. կարող են լինել 2-3 օր՝  լիպոսակցիայի շրջանում:  Լինում են նաև անցողիկ կապտուկներ: Վիրահատությունից հետո պացիենտը պետք է կրի սեղմող հագուստ՝ կորսետ, որպեսզի լիպոսակցիայի շրջաններում մաշկը կրճատվի:

Պացիենտը կլինիկայում մեկ օր մնում է հսկողության տակ, ապա դուրս է գրվում:

Վիրահատությունից հետո պետք է այցելել բժշկին 7 օր անց, մեկ ամիս անց և երրորդ ամսվա վերջում: Արտերկրից ժամանած պացիենտը միջամտությունից 7 օր անց կարող է հետ վերադառնալ և կապը բժշկի հետ պահպանել համացանցի միջոցով, իսկ երեք ամիս անց որոշել հետագա քայլերը:

Սեփական ճարպի աուտոտրանսպլանտացիայով կրծքագողձերի մեծացման առավելությունը սեփական հյուսվածքի օգտագործումն է: Սակայն, ի տարբերություն իմպլանտների կիրառման մեթոդի, ճարպի պարագայում հնարավոր չէ կրծքագեղձերի մեծ չափեր ստանալ. հնարավոր է մեծացնել 1-1,5 համարով:

Կրծքագեղձի վերականգնում չարորակ նորագոյացությունների հեռացումից հետո

Կան տարբեր մոտեցումներ կախված այն բանից, պահպանվա՞ծ է մեծ կրծքամկանը, թե` ոչ: Միջամտությունն իրականացվում է երկու մեթոդով.

1. սեփական հյուսվածքներով կամ հյուսվածքային կտորներով կրծքագեղձի վերականգնում,
2. սեփական ճարպի օգտագործումով գեղձի վերականգնում: 

Կարելի է նաև կատարել միջամտություն երկու մեթոդի համատեղմամբ: Դրանք փուլային վիրահատություններ են: Հյուսվածքների համակարգը տեղափոխելուց հետո հարկ է լինում կատարել ևս մի քանի վիրահատություններ՝ էսթետիկ տեսքը վերականգնելու համար:

Կրծքագեղձերը փոքրացնող և ձգող վիրահատություններ

Ցուցումները.

• կրծքագեղձերի հիպերպլազիայի ժամանակ, երբ մեծացած կրծքագեղձերի պատճառով առաջանում են պարանոցի, իրանի ցավեր,  ինչը նաև հրահրում է գլխացավեր՝ ողնաշարի ծռվածության պատճառով:
• կրծքագեղձերի կախվածություն, որը հիմնականում մեծ կրծքագեղձերի արդյունք է:

Կան վիրահատության տարբեր մեթոդներ: Ելնելով պացիենտի վիճակից, ալեոլայի և պտուկի սնուցումն ապահովող և պահպանող ոտիկի երկարությունից, ընտրվում է այս կամ այն տարբերակը: Կատարվում է հյուսվածքների հեռացում կողմնային և միջային մակերեսներից, որից հետո ձևավորվում է կրծքագեղձը:

Հեմատոմաների առաջացումից խուսափելու համար մեկ օր տեղադրվում է բարակ խողովակ, որպեսզի հավաքված արյունը և հեղուկը հեռացվի: Պացիենտը կլինիկայում մնում է մեկ օր: Կարերը (ներմաշկային կոսմետիկ կարեր) հեռացվում են 8-10-րդ օրը, որից հետո արտերկրից ժամանած պացիենտները կարող են մեկնել: Կրծքագհեղձերը ձևավորվում են 3-6 ամսվա ընթացքում, այտուցներն ու կապտուկները վերանում են շատ ավելի վաղ: Բոլոր տարբերակների դեպքում սպիների վերջնական տեսքը նույնն է.  շրջված T՝-աձև սպի` ուղիղ իջնող  սպի, սպի կրծքագեղձի տակ և  ալեոլայի շուրջը:

Վիրահատությունից հետո առաջին 6 ամսվա ընթացքում կարող է լինել ալեոլայի և պտուկի զգայունության անկում, որը հետագայում վերականգնվում է:

Կրծքագեղձի ձգումը` մաստոպեքսիան, կատարվում է մաշկային ծրարի ձգումով: Այս դեպքում սպիները կարող են լինել միայն  ալեոլայի շուրջը, երբեմն` նաև մեկ ուղղահայաց գծի տեսքով:

Եթե կրծքագեղձի բարձրացման հետ միաժամանակ գեղձը մեծացնել է պետք,  տեղադրվում են իմպլանտներ կամ օգտագործվում է սեփական ճարպը:

Հակացուցումները

Բոլոր վիրահատությունների դեպքում հաշվի առնվող հակացուցումներն են. քրոնիկ հիվանդությունները` սիրտ-անոթային, շնչական համակարգի ծանր հիվանդություններ, ուռուցքային հիվանդություն և այլն:

Վիրահատության համար անհրաժեշտ հետազոտությունները

• կրծքագեղձի  սոնոգրաֆիա կամ մամոգրաֆիա,
• արյան ընդհանուր և բիոքիմիական հետազոտություններ:

Med-ArmTours թիմը ծառայություններն առաջարկում է բուժհաստատություններում գործող նույն գնացուցակով, ներառելով հետևյալ օժանդակ ծառայություններն` առանց լրացուցիչ վճարի.

1. առ-ցանց կապ,
2. խորհրդատվություն,
3. հյուրանոցի կամ բնակարանի ընտրություն,
4. նախապես ընդունելության գրանցում բժշկի մոտ կլինիկայում,
5. դիմավորում և ճանապարհում օդանավակայանից,
6. հանդիպում բժշկի հետ կինիկայում,
7. պացիենտ-կլինիկա պայմանագրի կնքում,
8. անհրաժեշտության դեպքում ուղեկցի տրամադրում,
9. առողջապահական փաստաթղթերի տրամադրում` ներկայացնելու պացիենտին սպասարկող ապահովագրական ընկերությանն իր երկրում:

Լրացուցիչ վճարովի ծառայություններ.

1. թարգմանիչ,
2. բժշկական փաստաթղթերի թարգմանություն,

ԳՆԱՑՈՒՑԱԿ

Պացիենտի հետազոտություն նախքան վիրահատությունը.

• արյան ընդհանուր, բիոքիմիական հետազոտություններ (կոագուլոգրամա). 24.100 ՀՀ դրամ
•  էլեկտրասրտագրություն. 2.000 ՀՀ դրամ

Վիրահատություններ.

• մաստոպեքսիա. 420.000 ՀՀ դրամ,
• ռեդուկցիոն մամոպլաստիկա. 720.000 ՀՀ դրամ,
• աուգմենտացիոն մամոպլաստիկա իմպլանտի տեղադրումով (առանց իմպլանտի արժեքի). 300.000 ՀՀ դրամ
  (1 զույգ իմպլանտի արժեքը` «Եվրոսիլիկոն». 410.000 ՀՀ դրամ,  ամերիկյան «Մենտոր» իմպլանտ. 380.000- 430.000 ՀՀ դրամ),
• աուգմենտացիոն մամոպլաստիկա սեփական ճարպի տրանսպլանտացիայով. 780.000 ՀՀ դրամ:

Անզգայացում.

• ընդհանուր անզգայացում մինչև 2 ժամ. 20.000
• 2 ժամից ավելի. 35.000
• ռեգիոնալ անզգայացում. 15.000
• Սևորանով ընդհանուր անզգայացում` մինչև 2 ժամ. 60.000
• Սևորանով ընդհանուր անզգայացում` 2 ժամից ավելի. 80.000

Հիվանդասենյակ. 1 օր

Հայաստանում պարտադիր մնալու օրերի թիվը. 10 օր

Հայաստանից մեկնելու հետո առ-ցանց խորհրդատվություն. 3 ամիս