Ավանգարդ բժշկական կենտրոն

Աբդոմինոպլաստիկան որովայնի  ավելորդ մաշկի և ճարպի շերտի հեռացումն ու մկանների ձգումն է վիրահատական եղանակով:

Աբդոմինոպլաստիկան ցուցված է.

• բազմազավակ կանանց,
• քաշը նվազեցրած անձանց, ովքեր սակայն, որովայնի հատվածում դեռ ունեն մաշկային «գոգնոց»։

Հակացուցված է.

• մայրանալ պատրաստվող կանանց (որովայնի ձգված մկանները հղիության ընթացքում կարող են պատռվել և խնդիրներ առաջացնել)։
• քաշ կորցնել պատրաստվող անձանց։

Աբդոմինպոպլաստիկան չպետք է դիտարկվի որպես ճարպի զգալի ծավալից ազատվելու միջոց։ Պետք է հաշվի առնել, որ այս վիրահատությունից հետո որովայնի ստորին հատվածում  մնում է  սպի։

Ինչպես նախապատրաստվել աբդոմինոպլաստիկային

Վիրահատության հետ կապված բոլոր հարցերը պարզաբանվում են բժշկի հետ խորհրդատվության ընթացքում:

Ցուցումներ նախքան վիրահատությունը.

• Ծխող պացիենտներից պահանջվում է դադարեցնել ծխելը նախատեսված վիրահատությունից առնվազն 2 շաբաթ առաջ։ Ծխախոտի քանակի նվազեցումն ընդունելի չէ, անհրաժեշտ է լիովին դադարեցնել ծխելը, քանի որ ծխելու դեպքում մեծանում է հետվիրահատական բարդությունների հավանականությունը և դանդաղում վերականգնումը։
• Պետք չէ հատուկ սննդակարգի հետևել, առողջ, ամբողջական սննդակարգն արագացնում է վերականգնոողական գործընթացը։
• Անհրաժեշտ է բժշկին տեղեկացնել ընդունվող բոլոր դեղերի մասին (հոգեմետ, սննդային հավելումներ, դեղաբուսային միջոցներ), քանի որ հարկ կլինի դրանց օգտագործումը ժամանակավորապես դադարեցնել։

Վիրահատական ընթացքը

Վիրահատությունն իրականացվում է ընդհանուր անզգայացմամբ, տևում է մինչև 4 ժամ։ Աբդոմինոպլաստիկայի ընթացքում կատարվում է կտրվածք որովայնի ստորին հատվածում: Վիրահատությունը ենթադրում է նաև պորտի տեղաշարժ, և հնարավոր է պացիենտի որովայնին մի քանի օր ամրացված լինեն խողովակներ՝ դրենավորման համար։

Մասնակի կամ «մինի» աբդոմինոպլաստիկա

Այս վիրահատությունը ցուցված է մարդկանց, ում մոտ ճարպային շերտը և մաշկային ավելցուկը գտնվում է պորտից ներքև։ «Մինի» աբդոմինոպլաստիկայի դեպքում պորտի տեղափոխում հիմնականում չի պահանջվում, իսկ բուն վիրահատությունը բավականին կարճատև է։

Վիրահատությունից հետո 1-2 օր հարկավոր է մնալ կլինիկայում ՝ մասնագետների հսկողության տակ:

Med-ArmTours թիմը ծառայություններն առաջարկում է բուժհաստատություններում գործող նույն գնացուցակով, ներառելով հետևյալ օժանդակ ծառայություններն` առանց լրացուցիչ վճարի.

1. առ-ցանց կապ,
2. խորհրդատվություն,
3. հյուրանոցի կամ բնակարանի ընտրություն,
4. նախապես ընդունելության գրանցում բժշկի մոտ կլինիկայում,
5. դիմավորում և ճանապարհում օդանավակայանից,
6. հանդիպում բժշկի հետ կինիկայում,
7. պացիենտ-կլինիկա պայմանագրի կնքում,
8. անհրաժեշտության դեպքում ուղեկցի տրամադրում,
9. առողջապահական փաստաթղթերի տրամադրում` ներկայացնելու պացիենտին սպասարկող ապահովագրական ընկերությանն իր երկրում:

Լրացուցիչ վճարովի ծառայություններ.

1. թարգմանիչ,
2. բժշկական փաստաթղթերի թարգմանություն,
3. բուժքրոջ, խնամակալի տրամադրում

ԳՆԱՑՈՒՑԱԿ

Պացիենտի հետազոտություն նախքան վիրահատությունը.

• արյան ընդհանուր, բիոքիմիական հետազոտություններ (կոագուլոգրամա). 24.100 ՀՀ դրամ
•  էլեկտրասրտագրություն. 2.000 ՀՀ դրամ

Վիրահատությունը. 700.000 ՀՀդրամ

Անզգայացում.

• ընդհանուր անզգայացում մինչև 2 ժամ. 20.000 ՀՀ դրամ
• 2 ժամից ավելի. 35.000 ՀՀ դրամ
• ռեգիոնալ անզգայացում. 15.000 ՀՀ դրամ
• Սևորանով ընդհանուր անզգայացում` մինչև 2 ժամ. 60.000 ՀՀ դրամ
• Սևորանով ընդհանուր անզգայացում` 2 ժամից ավելի. 80.000 ՀՀ դրամ

Հիվանդասենյակ. 1 օր

Հայաստանում պարտադիր մնալու օրերի թիվը. 10 օր

Հայաստանից մեկնելու հետո առ-ցանց խորհրդատվություն. 3 ամիս