Ավանգարդ բժշկական կենտրոն

Ավանգարդ բժշկական կենտրոնում 2016թ․ ապրիլին ներդրվել է Հայաստանում եզակի՝ կրիոսաունայի ծառայությունը: Կրիոսաունան կրիոթերապիայի մեթոդներից է: Այն արտաքինից նման է ուղղահայաց սոլյարիի, լի է հեղուկ ազոտով: Խցիկում, որտեղ ջերմաստիճանը -130°С մինչև -140°С  է, մարդը կարող է մնալ 3 րոպեից ոչ ավելի : Աերոկրիոթերապիայի ժամանակ մարդու մաշկը (մարմնի՝ պարանոցից ներքև հատվածը) սառեցվում է օդի չոր հոսքի և ազոտի խառնուրդով՝ առանց մարմնի գերսառեցման:

Ցուցումները

Կրիոսաունան ունի օրգանիզմն ակտիվացնող ազդեցություն, խթանում է իմունային և էնդոկրին համակարգերի աշխատանքը, ունի ցավազրկող, հակաբորբոքային, հակաայտուցային, հակաջղաձգային հատկություն, նպաստում է արյան շրջանառության բարելավմանը: Գործողության արդյունքում,  էնդոկրին և իմունային համակարգերի կարգավորիչ ակտիվացման շնորհիվ օրգանիզմում սկսում է վերականգնողական ինքնուրույն գործընթաց:

Անցնելով կրիոսաունայի համալիր բուժման կուրսերը` գերազանց արդյունքի կարելի է հասնել նևրոզի, դեպրեսիայի, փսորիազի, արթրիտի (հոդաբորբ), սեքսուալ խանգարումների (կանաց և տղամարդկանց) և մի շարք այլ հիվանդությունների դեպքում:

Կրիոթերապիան համարվում է նաև արյան մակերեսային հոսքի բարելավման լավագույն միջոց, ինչը նշանակում է, որ այն բարելավում է մաշկի վիճակը և նպաստում երիտասարդացմանը: Կարճատև գերսառեցումից հետո ակտիվանում է նյութափոխանակությունը, որը կարող է հանգեցնել քաշի նվազման:

Գործողության ընթացքը

Պացիենտը մտնում է կրիոխցիկ (կրիոսաունա), որտեղ ներմուծվում է ազոտի և օդի չոր և սառը խառնուրդ: 15 վայրկյան անց կրիոխցիկում օդի ջերմաստիճանը հասնում է – 130С° մինչև -140°С: Այդ խառնուրդով սառն օդը զգալիորեն տարբերվում է ջրային սառույցից, հետևաբար, չի առաջացնում տհաճության զգացում, այլ` հակառակը:

Կրիոթերապիան օգտակար է միայն այն դեպքում, երբ մարդու մաշկի արտաքին շերտից մինչև 17մմ խորությամբ ջերմաստիճանը 0°С-ից ցածր է: Մաշկի արտաքին շերտի արագ գերսառեցումն անվտանգ է: Մաշկի գերսառեցման դեպքում մարդու նյարդային ընկալիչներն ուղեղին ազդակներ են ուղարկում մեծ ուժգնությամբ՝  հանգեցնելով ուղեղի կարգավորիչ կենտրոնի, այսպես կոչված` «ցնցմանը», ինչը պատճառ է դառնում օրգանիզմում առկա խախտումների «վերացմանը»:

Փորձը ցույց է տալիս, որ այսպիսի կուրս անցնելուց հետո նահանջում են անգամ ամենածանր հիվանդությունները: Կրիոթերապիայի բուժական ազդեցությունները լինում են.

•     տեղային,
•     ընդհանուր

Ընդհանուր կրիոթերապիան ակտիվացնում է կենտրոնական նյարդային համակարգի աշխատանքը, ինչն օգնում է հաղթահարել դեպրեսիան ու նևրոզները, տեղայինը՝ բարելավում մակերեսային արյան հոսքն ու այրում ճարպերը:

Գործընթացի մասին տեսանյութը՝ այստեղ։

Med-ArmTours թիմը ծառայություններն առաջարկում է բուժհաստատություններում գործող նույն գնացուցակով, ներառելով հետևյալ օժանդակ ծառայություններն` առանց լրացուցիչ վճարի.

1. առ-ցանց կապ,
2. խորհրդատվություն,
4. նախապես ընդունելության գրանցում բժշկի մոտ կլինիկայում,
5. դիմավորում և ճանապարհում օդանավակայանից,
6. հանդիպում բժշկի հետ կինիկայում,
8. անհրաժեշտության դեպքում ուղեկցի տրամադրում,
9. առողջապահական փաստաթղթերի տրամադրում` ներկայացնելու պացիենտին սպասարկող ապահովագրական ընկերությանն իր երկրում:

Լրացուցիչ վճարովի ծառայություններ.

1. թարգմանիչ,
2. բժշկական փաստաթղթերի թարգմանություն,
3. բուժքրոջ, խնամակալի տրամադրում

ԳՆԱՑՈՒՑԱԿ

1 սեանսին այցելելու արժեքը. 8,000 ՀՀ դրամ,
1 կուրսը (10 սեանս). 70,000 ՀՀ դրամ