Դա Վինչի էսթետիկ բժշկության կենտրոն

Կլինիկան գործում է 2010 թվականից և արդեն առաջատարներից է պլաստիկ վիրաբուժության ու էսթետիկ բժշկության ոլորտում:

«Դա Վինչի» կլինիկայում աշխատում են բարձր որակավորում, զգալի փորձ և բարի համբավ ունեցող մասնագետներ: Այստեղ համատեղվում են պլաստիկ վիրաբույժի, կոսմետոլոգի, սննդաբանի և ռեաբիլիտոլոգի համատեղ աշխատանքը, ինչը նպաստում է բուժական միջոցառումների առավել արդյունավետ արդյունք ապահովելուն: Կլինիկայում կարևորվում է պրոֆեսիոնալիզմը, պացիենտի հանդեպ հոգատարությունը, ձեռք բերած վստահությունը` պահպանելու իր բարի անունն ու հեղինակությունը:

Կլինիկան հագեցած է ժամանակակից պլաստիկ վիրաբուժության և էսթետիկ բժշկության բարձր պահանջներին բավարարող նորագույն սարքերով, որոնց շնորհիվ մասնագետները կյանքի են կոչում ժամանակակից բժշկության լավագույն ձեռքբերումները, ընդ որում, յուրաքանչյուր այցելուին ցուցաբերվում է անհատական մոտեցում:

Կլինիկայում իրականացվում են. քթի պլաստիկա, դեմքի մաշկի վիրահատական ձգում, մազերի միկրովիրաբուժական փոխպատվաստում (աուտոտրանսպլանտացիա) և գլխի մազածածկույթի վերջնական վերականգնում, հոնքերի վերականգնում, մաշկի բարորակ գոյացությունների ատրավմատիկ հեռացում, դեմքի մաշկի էնդոսկոպիկ ձգում, մաշկի ռադիոալիքային վիրաբուժություն (Radioscalpel), պարանոցի SMAS-պլաստիկա, կոպերի պլաստիկա (բլեֆարոպլաստիկա), ճակատի և հոնքերի էնդոսկոպիկ ձգում, լիպոսակցիա, կրծքագեղձի մեծացում, փոքրացում, ձգում, որովայնի առաջային պատի պլաստիկա (աբդոմինոպլաստիկա), լիպոֆիլինգ (սեփական ճարպի փոխպատվաստում), սպիների շտկում, գինեկոմաստիա, օտոպլաստիկա, նստատեղի ուրվագծերի շտկում իմպլանտներով, ռադիովիրաբուժություն, ինտիմ վիրաբուժություն, սրունքների ուրվագծերի շտկում իմպլանտներով, ազդրերի և բազուկների մաշկի ձգում (դերմոլիպէկտոմիա): Մասնագիտացված ծառայությունների մեծ ընտրանին սկսում է պարզագույն ճշգրիտ ախտորոշումից մինչև բարդ վիրահատություններ:

Էսթետիկ կոսմետոլոգիայի բնագավառում կլինիկան առաջարկում է լազերային էպիլյացիա, մաշկի ատրավմատիկ մաքրում, դեմքի ուրվագծային պլաստիկա բոտուլինոտոքսին А-ով, էլեկտրոէպիլյացիա, կնճիռների, շրթունքների ձևի ու ծավալի մոդելավորում (հիալուրոնաթթվով), մեզոթերապիա, ֆիզիոթերապիա, քթի ինյեկցիոն պլաստիկա, հիպերհիդրոզների (ախտաբանական քրտնարտադրություն) բուժում, քիմիական և ուլտրաձայնային փիլինգներ, պրեսոթերապիա, խնդրահարույց մաշկի վերականգնող խնամք, էլեկտրամիոստիմուլյացիա, դեմքի, պարանոցի, պլաստիկ և բիոէներգետիկ մերսում, PRP թերապիա, դիմակներ, լիֆթինգ, խնամք:

Մաշկաբանության բնագավառում առաջարկում է մազաթափության կոնսերվատիվ (լազերային, ֆիզիոթերապևտիկ, դեղորայքային) բուժում, ակնէի, կուպերոզի, պիգմենտավորումների բուժում, մաշկի պիգմենտային գոյացությունների (խալերի) համակարգչային ախտորոշում (SIA scopy), գլխամաշկի և մազերի հիվանդությունների դերմատոսկոպիկ և համակարգչային ախտորոշում (Trichoscience), դեմքի մաշկի տարիքային և այլ փոփոխությունների հետազոտություն, ախտորոշում և խնամքի ու բուժման անհատական ծրագրերի մշակում (Skin XP Pro):

 Վերականգնողական բժշկության ասպարեզում առաջարկում է ուսագոտու, վերին և ստորին վերջույթներիի հետվնասվածքային վերականգնում:

«Դա Վինչի» կլինիկայում դասական բժշկության լավագույն ավանդույթները համակցված են նորագույն և հուսալի տեխնոլոգիաներով, իսկ ներքին հարդարանքը պացիենտի համար ստեղծում է հարմարավետ մթնոլորտ: Այցելելով կլինիկա, բարձրակարգ մասնագետների շնորհիվ կբացահայտեք գեղեցկության Ձեր գաղտնագիրը: