Դա Վինչի էսթետիկ բժշկության կենտրոն

Լիպոսակցիան մարմնի ուրվագծերի շտկումն է ավելորդ ճարպային հյուսվածքի մեխանիկական հեռացման ճանապարհով:

Միջամտության ընթացքում մինչև 2-3 լիտր ճարպի հեռացմումը կատարվում է տեղային անզգայացմամբ, ավելի շատ ճարպային հյուսվածք հեռացնելու դեպքում` ընդհանուր անզգայացում:

Լիպոսակցիան չի համարվում նիհարելու միջոց, քանի որ հեռացվող ճարպը բավականին քիչ է դրա համար: Կան երկրներ՝ Բրազիլիա, Արգենտինա, որտեղ 20-25 լիտր ճարպ է հեռացվում, մեկ պացիենտի համար աշխատում են մի քանի բժիշկ: Սակայն դա հղի է վտանգներով. 5-6 լիտր և ավելի հեռացնելու դեպքում տուժում է հոմեոստազը (ինքնակարգավորումը):

Կլինիկայում սովորաբար ընդունված է  3-5 լիտրը չանցնել: Վիրահատությունն իրականացվում է հիվանդանոցային պայմաններում, որից հետո մեկ օր հարկ է մնալ ստացիոնար հսկողության տակ: Այդ ընթացքում ներերակային կաթիլային ներարկումներ են իրականացվում`՝ հետագա խնդիրներից խուսափելու համար:

Վիրահատությունից հետո հարկ է կրել սեղմող կորսետ, ինչը` սեղմելով խոռոչները, խոչնդոտում է հեղուկ հավաքվելուն: Երեք շաբաթ անց, այտուցներն անցնելուց հետո, արդեն ուրվագծվում է վերջնական արդյունքը: Այդ ժամանակ ցանկալի է այցելել բժշկին:

Տանը խորհուրդ է տրվում շատ հեղուկներ օգտագործել, ռեժիմն ազատ է՝ կարող են քայլել, հարկ է խուսափել ծանրաբեռնված աշխատանքից: Կարիքի դեպքում նշանակվում է ցավազրկող, մեծ ծավալի միջամտության դեպքում` նաև հակաբիոտիկներ:

Արտերկիր կարելի է մեկնել վիրահատությունից 7 օր անց: Առ-ցանց խորհրդատվություն` 3 ամիս ժամկետում, առաջին 3 շաբաթվա ընթացքում` շաբաթը 1 անգամ:

Med-ArmTours թիմը ծառայություններն առաջարկում է բուժհաստատություններում գործող նույն գնացուցակով, ներառելով հետևյալ օժանդակ ծառայություններն` առանց լրացուցիչ վճարի.

1. առ-ցանց կապ,
2. խորհրդատվություն,
3. հյուրանոցի կամ բնակարանի ընտրություն,
4. նախապես ընդունելության գրանցում բժշկի մոտ կլինիկայում,
5. դիմավորում և ճանապարհում օդանավակայանից,
6. հանդիպում բժշկի հետ կինիկայում,
7. պացիենտ-կլինիկա պայմանագրի կնքում,
8. անհրաժեշտության դեպքում ուղեկցի տրամադրում:

Լրացուցիչ վճարովի ծառայություններ.

1. թարգմանիչ,
2. բժշկական փաստաթղթերի թարգմանություն:

ԳՆԱՑՈՒՑԱԿ

Լիպոսակցիա՝ տեղային անզգայացմամբ.

Նախնական հետազոտություն.

• արյան ընդհանուր հետազոտություն,
• էլեկտրասրտագրություն

մինչև 100 մլ ճարպի հեռացում. 120 000 ՀՀ դրամ
մինչև 500 մլ ճարպի հեռացում. 160 000 ՀՀ դրամ
մինչև 1000 մլ ճարպի հեռացում. 210 000 ՀՀ դրամ

Անհրաժեշտ պարագաներ. կոմպրեսիոն ներքնազգեստի կրում. 20 000-45 000 ՀՀ դրամ

Լիպոսակցիա՝ ընդհանուր անզգայացմամբ

Նախնական հետազոտություն.

• արյան ընդհանուր հետազոտություն, կոագուլոգրամա,
• մեզի հետազոտություն,
• էլեկտրասրտագրություն

մինչև 500 մլ ճարպի հեռացում. 310 000 ՀՀ դրամ
մինչև 1000 մլ ճարպի հեռացում. 360 000 ՀՀ դրամ
մինչև 2000 մլ ճարպի հեռացում. 420 000 ՀՀ դրամ
մինչև 3000 մլ ճարպի հեռացում. 470 000 ՀՀ դրամ

Հիվանդասենյակ. 1 օրը 15 000 - 20 000 ՀՀ դրամ

Անհրաժեշտ պարագաներ. կոմպրեսիոն ներքնազգեստի կրում. 20 000-45 000 ՀՀ դրամ